kisi ki den hai lekin meri zarurat hai

Zeeshan Sahil

kisi ki den hai lekin meri zarurat hai

Zeeshan Sahil

MORE BY Zeeshan Sahil

    kisī den hai lekin mirī zarūrat hai

    junūñ kamāl nahīñ hai kamāl-e-vahshat hai

    maiñ zindagī ke sabhī ġham bhulā.e baiThā huuñ

    tumhāre ishq se kitnī mujhe sahūlat hai

    guzar ga.ī hai magar roz yaad aatī hai

    vo ek shaam jise bhūlne hasrat hai

    zamāne vaale to shāyad nahīñ kisī qābil

    jo miltā rahtā huuñ un se mirī muravvat hai

    havā bahār aa.egī aur maiñ chūmūñgā

    vo saare phuul ki jin meñ tirī shabāhat hai

    ḳhudā rakhe tirī āñkhoñ dil-navāzī ko

    tirī nigāh mirī umr bhar daulat hai

    tire baġhair bujhā rahā huuñ andar se

    jo Thīk-Thāk huuñ bāhar se to ye aadat hai

    jo ho sake to mujhe apne paas rakh lenā

    tirā visāl to ik sānvī sa.ādat hai

    tire baġhair koī kaise zinda rahtā hai

    magar maiñ huuñ ki yahī ishq rivāyat hai

    kisi ki den hai lekin meri zarurat hai

    junun kamal nahin hai kamal-e-wahshat hai

    main zindagi ke sabhi gham bhulae baiTha hun

    tumhaare ishq se kitni mujhe sahulat hai

    guzar gai hai magar roz yaad aati hai

    wo ek sham jise bhulne ki hasrat hai

    zamane wale to shayad nahin kisi qabil

    jo milta rahta hun un se meri murawwat hai

    hawa bahaar ki aaegi aur main chumunga

    wo sare phul ki jin mein teri shabahat hai

    KHuda rakhe teri aankhon ki dil-nawazi ko

    teri nigah meri umr bhar ki daulat hai

    tere baghair bujha ja raha hun andar se

    jo Thik-Thak hun bahar se to ye aadat hai

    jo ho sake to mujhe apne pas rakh lena

    tera visal to ek sanwi saadat hai

    tere baghair koi kaise zinda rahta hai

    magar main hun ki yahi ishq ki riwayat hai

    Source:

    • Book: Wajah-e-Begangi (Pg. 36)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites