kisi ki dil mein jab chahat nahin thi

kisī kī dil meñ jab chāhat nahīñ thī

sitam sahnā mirī 'ādat nahīñ thī

mujhe ai kaash un kā pyaar miltā

magar aisī mirī qismat nahīñ thī

baḌhe kuchh fāsle aise ki jaise

hamāre darmiyāñ qurbat nahīñ thī

mohabbat raas bhī aatī to kaise

unheñ mujh se koī raġhbat nahīñ thī

falak thā us ghaḌī qurbān mujh par

mujhe shohrat kī jab chāhat nahīñ thī

jahāñ the māl-o-daulat ke pujārī

vahāñ dekhā gayā ġhairat nahīñ thī

gayā duniyā se ye kah kar sikandar

yahāñ apnī koī daulat nahīñ thī

hameñ 'jāved' kyoñ ġhurbat kā ho ġham

amīrī meñ bhī kuchh rāhat nahīñ thī

kisi ki dil mein jab chahat nahin thi

sitam sahna meri 'adat nahin thi

mujhe ai kash un ka pyar milta

magar aisi meri qismat nahin thi

baDhe kuchh fasle aise ki jaise

hamare darmiyan qurbat nahin thi

mohabbat ras bhi aati to kaise

unhen mujh se koi raghbat nahin thi

falak tha us ghaDi qurban mujh par

mujhe shohrat ki jab chahat nahin thi

jahan the mal-o-daulat ke pujari

wahan dekha gaya ghairat nahin thi

gaya duniya se ye kah kar sikandar

yahan apni koi daulat nahin thi

hamein 'jawed' kyon ghurbat ka ho gham

amiri mein bhi kuchh rahat nahin thi