kisi ki zulf-e-shikan-dar-shikan ki baat hui
kisī kī zulf-e-shikan-dar-shikan kī baat huī
hamāre vāste dār-o-rasan kī baat huī
kabhī dhanak pe kabhī chāñdnī pe haath paḌā
jo tere jism kī tere badan kī baat huī
ik aah dil se uThī aur laboñ pe TuuT ga.ī
kabhī kahīñ jo tirī anjuman kī baat huī
zahe-nasīb ki terā bhī naam aayā hai
jahāñ jahāñ mire dīvāna-pan kī baat huī
hazār rañg nigāhoñ meñ ghul ga.e 'shāhid'
agar kahīñ kisī gul-pairahan kī baat huī
kisi ki zulf-e-shikan-dar-shikan ki baat hui
hamare waste dar-o-rasan ki baat hui
kabhi dhanak pe kabhi chandni pe hath paDa
jo tere jism ki tere badan ki baat hui
ek aah dil se uThi aur labon pe TuT gai
kabhi kahin jo teri anjuman ki baat hui
zahe-nasib ki tera bhi nam aaya hai
jahan jahan mere diwana-pan ki baat hui
hazar rang nigahon mein ghul gae 'shahid'
agar kahin kisi gul-pairahan ki baat hui
- Book : Naqd-e-jan (Pg. 10)
- Author : Shahid Akhtar
- Publication : madhya pradesh urdu academy Bhopal (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
