kisi ko aks-kushi mein kamal ho na saka

kisī ko aks-kushī meñ kamāl ho na sakā

mah-e-do-hafta harīf-e-jamāl ho na sakā

zabān-e-shauq se kyā harf-e-ārzū nikle

ki jab nigāh se bhī arz-e-hāl ho na sakā

tapāñ thā ḳhāk-e-mohabbat pe dil kā ik zarra

magar vo dard kī zinda misāl ho na sakā

kahāñ jamāl kī vus.at kahāñ dimāġh kā zarf

vo jalva raunaq-e-bazm-e-ḳhayāl ho na sakā

sa.ūd-e-najd ne qurbāniyāñ to liiñ 'sāqib'

haram meñ bāda-e-rañgīñ halāl ho na sakā

kisi ko aks-kushi mein kamal ho na saka

mah-e-do-hafta harif-e-jamal ho na saka

zaban-e-shauq se kya harf-e-arzu nikle

ki jab nigah se bhi arz-e-haal ho na saka

tapan tha KHak-e-mohabbat pe dil ka ek zarra

magar wo dard ki zinda misal ho na saka

kahan jamal ki wusat kahan dimagh ka zarf

wo jalwa raunaq-e-bazm-e-KHayal ho na saka

saud-e-najd ne qurbaniyan to lin 'saqib'

haram mein baada-e-rangin halal ho na saka