kisi ko dard sunana bhi kitna mushkil tha

kisī ko dard sunānā bhī kitnā mushkil thā

mazāq apnā uḌānā bhī kitnā mushkil thā

haqīqatoñ pe hasīñ parda Dālne ke liye

fusūñ kā jaal bichhānā bhī kitnā mushkil thā

kabhī rahā thā jin āñkhoñ kā ban ke surma maiñ

unhīñ se aañkh churānā bhī kitnā mushkil thā

vo lan-tarānī meñ thā mahv aañkh band kiye

so us ko shīsha dikhānā bhī kitnā mushkil thā

guloñ meñ kī vo lagā.ī bujhā.ī sarsar ne

chaman kī laaj bachānā bhī kitnā mushkil thā

'asar' ḳhalal ke sharāre the dasht-o-sahrā meñ

sukūñ kā ḳhema lagānā bhī kitnā mushkil thā

kisi ko dard sunana bhi kitna mushkil tha

mazaq apna uDana bhi kitna mushkil tha

haqiqaton pe hasin parda Dalne ke liye

fusun ka jal bichhana bhi kitna mushkil tha

kabhi raha tha jin aankhon ka ban ke surma main

unhin se aankh churana bhi kitna mushkil tha

wo lan-tarani mein tha mahw aankh band kiye

so us ko shisha dikhana bhi kitna mushkil tha

gulon mein ki wo lagai bujhai sarsar ne

chaman ki laj bachana bhi kitna mushkil tha

'asar' KHalal ke sharare the dasht-o-sahra mein

sukun ka KHema lagana bhi kitna mushkil tha