kisi ko husn kisi ko ada nahin deta

kisī ko husn kisī ko adā nahīñ detā

kamāl sab ko ḳhudā ek sā nahīñ detā

ajiib shaḳhs hai bhaTke hue musāfir ko

pata to detā hai par rāsta nahīñ detā

ye sab hamāre hī kamāl kā natīja hai

ḳhudā kisī ko kabhī ḳhud sazā nahīñ detā

use kisī bhī vasīle kī kyā zarūrat hai

vo hāl-e-dil mujhe ḳhud kyuuñ batā nahīñ detā

ye bad-gumāniyāñ achchhī nahīñ kisī ke liye

tū bad-duā bhī na de gar duā nahīñ detā

ye daur daur-e-mobile hai ab yahāñ insāñ

tamāsha dekhtā hai aasrā nahīñ detā

ye 'mehrbān' bhī hijrat qubūl kar letā

vo mujh ko apnā agar vāsta nahīñ detā

kisi ko husn kisi ko ada nahin deta

kamal sab ko KHuda ek sa nahin deta

ajib shaKHs hai bhaTke hue musafir ko

pata to deta hai par rasta nahin deta

ye sab hamare hi kamal ka natija hai

KHuda kisi ko kabhi KHud saza nahin deta

use kisi bhi wasile ki kya zarurat hai

wo haal-e-dil mujhe KHud kyun bata nahin deta

ye bad-gumaniyan achchhi nahin kisi ke liye

tu bad-dua bhi na de gar dua nahin deta

ye daur daur-e-mobile hai ab yahan insan

tamasha dekhta hai aasra nahin deta

ye 'mehrban' bhi hijrat qubul kar leta

wo mujh ko apna agar wasta nahin deta