kisi ko pyar kisi ko jalal deta hai

kisī ko pyaar kisī ko jalāl detā hai

ḳhushī kisī ko kisī ko malāl detā hai

har ek ashk masarrat meñ Dhaal detā hai

vo ġham bhī de to mujhe be-misāl detā hai

kahāñ kahāñ nahīñ pahuñchā tirā payām-e-latīf

azaañ jagah jagah ab bhī bilāl detā hai

hujūm-e-ġham se na ghabrā ḳhudā muhāfiz hai

balā bhī sar pe jo aa.e to Taal detā hai

be-e'tinā.ī kā ab us kī kyā gila 'zāhid'

savāl-e-vasl pe hañs hañs ke Taal detā hai

kisi ko pyar kisi ko jalal deta hai

KHushi kisi ko kisi ko malal deta hai

har ek ashk masarrat mein Dhaal deta hai

wo gham bhi de to mujhe be-misal deta hai

kahan kahan nahin pahuncha tera payam-e-latif

azan jagah jagah ab bhi bilal deta hai

hujum-e-gham se na ghabra KHuda muhafiz hai

bala bhi sar pe jo aae to Tal deta hai

be-e'tinai ka ab us ki kya gila 'zahid'

sawal-e-wasl pe hans hans ke Tal deta hai