kisi lai mein kisi bhi tal mein hum

kisī lai meñ kisī bhī taal meñ ham

rahe sur meñ magar dhamāl meñ ham

bhale bā-hosh the yā vajd meñ the

tujhe bhūle nahīñ har haal meñ ham

the garche vajd ke 'ālam meñ duniyā

nahīñ uljhe tire janjāl meñ ham

kabhī pahuñche tire bā'is sar-e-‘arsh

kabhī paa.e ga.e pātāl meñ ham

samajh paayā nahīñ kuchh bhī zamāna

rahe kuchh aise hāl-o-qāl meñ ham

hameñ samjhā gayā aadhā adhūrā

bhale the hālat-e-ikmāl meñ ham

nahīñ 'tasnīm' mustaqbil hamārā

mileñge māzī-e-pāmāl meñ ham

kisi lai mein kisi bhi tal mein hum

rahe sur mein magar dhamal mein hum

bhale ba-hosh the ya wajd mein the

tujhe bhule nahin har haal mein hum

the garche wajd ke 'alam mein duniya

nahin uljhe tere janjal mein hum

kabhi pahunche tere ba'is sar-e-‘arsh

kabhi pae gae patal mein hum

samajh paya nahin kuchh bhi zamana

rahe kuchh aise haal-o-qal mein hum

hamein samjha gaya aadha adhura

bhale the haalat-e-ikmal mein hum

nahin 'tasnim' mustaqbil hamara

milenge mazi-e-pamal mein hum