کسی منظر میں تجھ بن دل کشی پائی نہیں جاتی

کسی منظر میں تجھ بن دل کشی پائی نہیں جاتی

کہ محفل میں بھی رہ کر میری تنہائی نہیں جاتی

جدا سب سے وہ ہوتے ہیں محبت جن کو ہوتی ہے

یہ ہر انسان کے دل میں کبھی پائی نہیں جاتی

غموں کو بانٹ لیں اک دن چلے آؤ قرار آئے

طبیعت اپنی تنہا ہم سے بہلائی نہیں جاتی

خدا سے ربط ہے جن کا محبت کام ہے ان کا

صفت اس کی سیہ کاروں میں تو پائی نہیں جاتی

اناؔ میری ضرورت وہ اناؔ میری محبت وہ

بجز اس کے مری جاں میں تو جاں پائی نہیں جاتی