kisi ne bhi na meri Thik tarjumani ki

kisī ne bhī na merī Thiik tarjumānī kī

dhuāñ dhuāñ hai fazā merī har kahānī kī

chalo nikālo mire paañv meñ chubhā taara

zamīñ kī sat.h tumhīñ ne to āsmānī kī

gunāh-e-ishq kiyā aur koī sazā na huī

zarūr tum ne subūtoñ se chheḌḳhānī kī

tirā ḳhayāl huā canvas pe mehmāñ kal

tamām rañgoñ ne mil kar ke mezbānī kī

kisi ne bhi na meri Thik tarjumani ki

dhuan dhuan hai faza meri har kahani ki

chalo nikalo mere panw mein chubha tara

zamin ki sath tumhin ne to aasmani ki

gunah-e-ishq kiya aur koi saza na hui

zarur tum ne subuton se chheDKHani ki

tera KHayal hua canwas pe mehman kal

tamam rangon ne mil kar ke mezbani ki