کسی نے تیری صورت دیکھ لی ہے
کسی نے تیری صورت دیکھ لی ہے
یہی سمجھو قیامت دیکھ لی ہے
ابھی انجام دل معلوم کیا ہے
اجی تم نے تو آفت دیکھ لی ہے
کہ ایذا ہجر کی دیکھی کہاں تھی
فقط تیری بدولت دیکھ لی ہے
چراتا ہے وہ کافر آنکھ مجھ سے
نگاہ چشم حسرت دیکھ لی ہے
شرافت آج ہم نے ترک کر دی
زمانے کی شرافت دیکھ لی ہے
ذرا شکوہ کیا تھا آج ان سے
ارے الٹی ندامت دیکھ لی ہے
سنبھل جاؤ میاں ذہیبؔ تم بھی
تمہاری سب نے عادت دیکھ لی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
