kisi patthar ko chaha hai ye dil kaisa diwana hai

kisī patthar ko chāhā hai ye dil kaisā divāna hai

mohabbat hai use us se jise chāhe zamānā hai

karūñ āñkheñ jo apnī band dikh chehra vo jaatā hai

kabhī chhūTegā na mar ke bhī ye rishta purānā hai

mire marne ke haiñ jhagḌe to mujh ko mar hī jaane do

mirī hī ġhalatī hai saarī tumhārā ye bahānā hai

do motī dekhe haiñ maiñ ne bichhaḌte us kī āñkhoñ se

sitāre jo judā haiñ chāñd se un ko churānā hai

binā bole vo mujh se har laḌā.ī jiit jaatā hai

na hai talvār na ḳhanjar magar jaañ ko bachānā hai

vo merī qabr pe aayā magar kis haq se aayā hai

chaman barbād kar ke ab charāġhoñ ko bujhānā hai

kuaañ thā paas mere phir bhī maiñ pyāsā hī lauTā huuñ

use maiñ pī nahīñ saktā magar ḳhud ko Dubānā hai

kisi patthar ko chaha hai ye dil kaisa diwana hai

mohabbat hai use us se jise chahe zamana hai

karun aankhen jo apni band dikh chehra wo jata hai

kabhi chhuTega na mar ke bhi ye rishta purana hai

mere marne ke hain jhagDe to mujh ko mar hi jaane do

meri hi ghalati hai sari tumhaara ye bahana hai

do moti dekhe hain main ne bichhaDte us ki aankhon se

sitare jo juda hain chand se un ko churana hai

bina bole wo mujh se har laDai jit jata hai

na hai talwar na KHanjar magar jaan ko bachana hai

wo meri qabr pe aaya magar kis haq se aaya hai

chaman barbaad kar ke ab charaghon ko bujhana hai

kuan tha pas mere phir bhi main pyasa hi lauTa hun

use main pi nahin sakta magar KHud ko Dubana hai