kisi sahife ke jaisa hua hai nam tera

kisī sahīfe ke jaisā huā hai naam tirā

ḳhudā ne ham pe utārā huā hai naam tirā

vahī zamāna jo guzrā bataur-e-ahd-e-vafā

usī zamāne se badlā huā hai naam tirā

yahāñ nahīñ hai zarūrat gulāb rakhne kī

mirī kitāb meñ likkhā huā hai naam tirā

hamāre dil kī tarah vo bhī khil uThī hogī

vo shāḳh jis pe tarāshā huā hai naam tirā

badalte dekhtā huuñ haath kī lakīroñ ko

ki is pe ḳhuun se likkhā huā hai naam tirā

isī liye to mahakte haiñ ḳhvāb-o-ḳhvāhish bhī

ki dil ke dasht pe barsā huā hai naam tirā

tamām shahr kī nazreñ usī pe haiñ 'adnān'

ki jis ke naam pe rakkhā huā hai naam tirā

kisi sahife ke jaisa hua hai nam tera

KHuda ne hum pe utara hua hai nam tera

wahi zamana jo guzra bataur-e-ahd-e-wafa

usi zamane se badla hua hai nam tera

yahan nahin hai zarurat gulab rakhne ki

meri kitab mein likkha hua hai nam tera

hamare dil ki tarah wo bhi khil uThi hogi

wo shaKH jis pe tarasha hua hai nam tera

badalte dekhta hun hath ki lakiron ko

ki is pe KHun se likkha hua hai nam tera

isi liye to mahakte hain KHwab-o-KHwahish bhi

ki dil ke dasht pe barsa hua hai nam tera

tamam shahr ki nazren usi pe hain 'adnan'

ki jis ke nam pe rakkha hua hai nam tera