kisi se kaise kahe koi tajraba dil ka

kisī se kaise kahe koī tajraba dil kā

ajiib sāneha hotā hai sāneha dil kā

kahīñ na phūñk deñ sho.ala-badan matā-e-sukūñ

chalā hai shahr-e-nigārāñ ko qāfila dil kā

mah-o-nujūm mirī gard-e-rāh pā na sake

mah-o-nujūm se aage thā hausla dil kā

asīr-e-kākul-e-lāla-ruḳhāñ vo kyā hotā

salīb-o-dār-o-rasan se thā rābta dil kā

vo merī arz-e-tamannā pe tālib-e-jāñ hai

hai ik ajiib sitamgar se vāsta dil kā

ye nukta junūñ hī samajh sake pāshā

bahut tavīl ḳhirad se hai fāsla dil kā

kisi se kaise kahe koi tajraba dil ka

ajib saneha hota hai saneha dil ka

kahin na phunk den shoala-badan mata-e-sukun

chala hai shahr-e-nigaran ko qafila dil ka

mah-o-nujum meri gard-e-rah pa na sake

mah-o-nujum se aage tha hausla dil ka

asir-e-kakul-e-lala-ruKHan wo kya hota

salib-o-dar-o-rasan se tha rabta dil ka

wo meri arz-e-tamanna pe talib-e-jaan hai

hai ek ajib sitamgar se wasta dil ka

ye nukta junun hi samajh sake pasha

bahut tawil KHirad se hai fasla dil ka