kisi se koi na puchhe mizaj kaisa hai

kisī se koī na pūchhe mizāj kaisā hai

tumhārī bazm kā jaane rivāj kaisā hai

kisī tarah bhī na zaḳhm-e-jigar bhare ab tak

na pūchho zaḳhm haiñ kaise ilaaj kaisā hai

sukūñ nasīb nahīñ raushnī meñ hīroñ kī

kisī nasīb meñ hīroñ kā taaj kaisā hai

baḌe ḳhulūs se kal tak gale jo miltā thā

chhupā.e haath meñ ḳhanjar vo aaj kaisā hai

hue samāj meñ paidā samāj ke dushman

jadīd daur kā dekho samāj kaisā hai

pahuñch sakī dar-e-insāf par na jab āvāz

jafā-e-vaqt pe ye ehtijāj kaisā hai

kisi se koi na puchhe mizaj kaisa hai

tumhaari bazm ka jaane riwaj kaisa hai

kisi tarah bhi na zaKHm-e-jigar bhare ab tak

na puchho zaKHm hain kaise ilaj kaisa hai

sukun nasib nahin raushni mein hiron ki

kisi nasib mein hiron ka taj kaisa hai

baDe KHulus se kal tak gale jo milta tha

chhupae hath mein KHanjar wo aaj kaisa hai

hue samaj mein paida samaj ke dushman

jadid daur ka dekho samaj kaisa hai

pahunch saki dar-e-insaf par na jab aawaz

jafa-e-waqt pe ye ehtijaj kaisa hai