kisi se kya kahen sunen agar ghubar ho gae

kisī se kyā kaheñ suneñ agar ġhubār ho ga.e

hamīñ havā kī zad meñ the hamīñ shikār ho ga.e

siyāh dasht ḳhaar se kahāñ do-chār ho ga.e

ki shauq-e-pairahan tamām taar taar ho ga.e

yahāñ jo dil meñ daaġh thā vahī to ik charāġh thā

vo raat aisā gul huā ki sharmsār ho ga.e

aziiz kyuuñ na jaañ se ho shikast-e-ā.ina hameñ

vahāñ to ek aks thā yahāñ hazār ho ga.e

hameñ to ek umr se paḌī hai apnī jaan kī

abhī jo sāhiloñ pe the kahāñ se paar ho ga.e

kisi se kya kahen sunen agar ghubar ho gae

hamin hawa ki zad mein the hamin shikar ho gae

siyah dasht KHar se kahan do-chaar ho gae

ki shauq-e-pairahan tamam tar tar ho gae

yahan jo dil mein dagh tha wahi to ek charagh tha

wo raat aisa gul hua ki sharmsar ho gae

aziz kyun na jaan se ho shikast-e-aina hamein

wahan to ek aks tha yahan hazar ho gae

hamein to ek umr se paDi hai apni jaan ki

abhi jo sahilon pe the kahan se par ho gae