کسی سے پیار نہیں صرف پیار جیسا ہے

کسی سے پیار نہیں صرف پیار جیسا ہے

خزاں کے دور میں موسم بہار جیسا ہے

ضرور قافلہ کوئی یہاں سے گزرا ہے

تمام راہ میں گرد و غبار جیسا ہے

تمہارے پیار کا جادو ابھی نہیں ٹوٹا

نہ جانے کس لئے اک اعتبار جیسا ہے

پڑی ہے سب کو یہاں آبرو بچانے کی

ہر ایک چہرہ یہاں قرض دار جیسا ہے

شناخت کم ہوئی جاتی ہے آدمیت کی

ہر ایک ذہن پہ گرد و غبار جیسا ہے

یہ وقت وہ ہے کہ اپنے دیار میں تاباںؔ

ہر ایک شخص غریب الدیار جیسا ہے