kisi se qarza kabhi bhi nahin liya maine

kisī se qarza kabhī bhī nahīñ liyā maiñ ne

ki merā haal na pūchho ki kyā kiyā maiñ ne

sharāb piine do ġham ko mujhe bhulāne do

jo merā haal hai sab ko batā diyā maiñ ne

qadam qadam pe mujhe log ta.ana dete haiñ

na jaane jurm kyā duniyā meñ kar diyā maiñ ne

kabhī bhī jhuuT kī tā.īd kī nahīñ lekin

hamesha jo bhī kahā hai vo sach kahā maiñ ne

agarche kartā rahā bevafā.ī tū har-dam

magar kabhī na tujhe bevafā kahā maiñ ne

añdherā chhaT gayā is tarah zindagī se 'samar'

charāġh ishq kā dil meñ jalā diyā maiñ ne

kisi se qarza kabhi bhi nahin liya main ne

ki mera haal na puchho ki kya kiya main ne

sharab pine do gham ko mujhe bhulane do

jo mera haal hai sab ko bata diya main ne

qadam qadam pe mujhe log tana dete hain

na jaane jurm kya duniya mein kar diya main ne

kabhi bhi jhuT ki taid ki nahin lekin

hamesha jo bhi kaha hai wo sach kaha main ne

agarche karta raha bewafai tu har-dam

magar kabhi na tujhe bewafa kaha main ne

andhera chhaT gaya is tarah zindagi se 'samar'

charagh ishq ka dil mein jala diya main ne