kisi tarah bhi jo is reg-zar-e-hasti par

kisī tarah bhī jo is reg-zār-e-hastī par

ubhar sakā jo na puurā vo naqsh-e-pā huuñ maiñ

jo har taraf se havāoñ kī Thokareñ khaa.e

dar-e-qubūl kī rad-karda vo duā huuñ maiñ

na hausloñ meñ tamavvuj na valvaloñ meñ ḳharosh

isī kā naam hai jiinā to jī rahā huuñ maiñ

vafā pe tanz hai āvārgī-e-shauq nahīñ

har āstāñ pe jo sajde bikhertā huuñ maiñ

badal sakī jise ab tak na be-ruḳhī terī

vahī vafā kā satāyā huā 'razā' huuñ maiñ

kisi tarah bhi jo is reg-zar-e-hasti par

ubhar saka jo na pura wo naqsh-e-pa hun main

jo har taraf se hawaon ki Thokaren khae

dar-e-qubul ki rad-karda wo dua hun main

na hauslon mein tamawwuj na walwalon mein KHarosh

isi ka nam hai jina to ji raha hun main

wafa pe tanz hai aawargi-e-shauq nahin

har aastan pe jo sajde bikherta hun main

badal saki jise ab tak na be-ruKHi teri

wahi wafa ka sataya hua 'raza' hun main