kisu ko mujhse ne mujhko kisu se kaam rahta hai
kisu ko mujhse ne mujhko kisu se kaam rahta hai
Sayyad Mohammad Meer Asar
MORE BYSayyad Mohammad Meer Asar
kisū ko mujh se ne mujh ko kisū se kaam rahtā hai
mire dil meñ sivā tere ḳhudā kā naam rahtā hai
kuchh in rozoñ dil apnā saḳht be-ārām rahtā hai
isī hālat meñ le kar sub.h se tā-shām rahtā hai
kaleja pak gayā hai kyā kahūñ is dil ke hāthoñ se
hamesha kuchh na kuchh is meñ ḳhayāl-e-ḳhām rahtā hai
bayāñ maiñ kyā karūñ us se ab aage apnī nākāmī
tire ye taur aur mujh ko tujhī se kaam rahtā hai
balā jaane 'asar' daurāñ ye kīdhar charḳh maare hai
hamārī bazm meñ din raat daur-e-jām rahtā hai
kisu ko mujh se ne mujh ko kisu se kaam rahta hai
mere dil mein siwa tere KHuda ka nam rahta hai
kuchh in rozon dil apna saKHt be-aram rahta hai
isi haalat mein le kar subh se ta-sham rahta hai
kaleja pak gaya hai kya kahun is dil ke hathon se
hamesha kuchh na kuchh is mein KHayal-e-KHam rahta hai
bayan main kya karun us se ab aage apni nakaami
tere ye taur aur mujh ko tujhi se kaam rahta hai
bala jaane 'asar' dauran ye kidhar charKH mare hai
hamari bazm mein din raat daur-e-jam rahta hai
- Deewan-e-asar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
