kitab-e-mohabbat hai KHwahish gazida

kitāb-e-mohabbat hai ḳhvāhish gazīda

varaq zindagī ke darīda darīda

mirī dāstāñ lafz lafz ātishīñ hai

fasāna fasāna tapīda tapīda

yahāñ lamha lamha baḌā sang-dil hai

ruteñ rāhatoñ kī kashīda kashīda

kahīñ chehra chehra hai tasvīr-e-hairat

kahīñ shahr hai naqsh naqsh ābdīda

makāñ haiñ ki jangal ke saa.e sarāsar

makīñ haiñ ki aahū ramīda ramīda

ye kyā alamiya hai ki Iqlīm-e-fan meñ

girohoñ kī chhab hai jarīda jarīda

tirā ruup merī ġhazal se amar hai

ki taḳhlīq hotī nahīñ sin-rasīda

yahī ek ḳhūbī yahī ek ḳhāmī

na maiñ ne kahā shān-e-shah meñ qasīda

yaqīnan havā hī meñ nashtar haiñ 'shāhid'

ki har shāḳh-e-gulshan hui ḳhūñ-chakīdā

kitab-e-mohabbat hai KHwahish gazida

waraq zindagi ke darida darida

meri dastan lafz lafz aatishin hai

fasana fasana tapida tapida

yahan lamha lamha baDa sang-dil hai

ruten rahaton ki kashida kashida

kahin chehra chehra hai taswir-e-hairat

kahin shahr hai naqsh naqsh aabdida

makan hain ki jangal ke sae sarasar

makin hain ki aahu ramida ramida

ye kya alamiya hai ki Iqlim-e-fan mein

girohon ki chhab hai jarida jarida

tera rup meri ghazal se amar hai

ki taKHliq hoti nahin sin-rasida

yahi ek KHubi yahi ek KHami

na main ne kaha shan-e-shah mein qasida

yaqinan hawa hi mein nashtar hain 'shahid'

ki har shaKH-e-gulshan hui KHun-chakida