kitab-e-zindagi ka har warq unwan rakhta hai

kitāb-e-zindagī kā har varq unvān rakhtā hai

hamāre sāmne jaise ḳhudā farmān rakhtā hai

bachā kar dāman-e-īmāñ ravāñ ho jānib-e-manzil

ye bāzār-e-jahāñ to hashr kā sāmān rakhtā hai

ghaTāoñ ne muqayyad kar liyā sūraj kī kirnoñ ko

yā ye sūraj ridā-e-maslahat ḳhud taan rakhtā hai

jabīn-e-shauq pe mard-e-qalandar kī shikan kyoñ ho

use kyā ġham ki jis ko dost ḳhud rahmān rakhtā hai

masāfat chañd mīloñ kī thakā detī hai jismoñ ko

mile manzil use jo hausla har aan rakhtā hai

vahī jis kā ki nashtar bhī yahāñ bas misl-e-ḳhanjar hai

use shikva hai kyoñ nashtar agar īrān rakhtā hai

kitab-e-zindagi ka har warq unwan rakhta hai

hamare samne jaise KHuda farman rakhta hai

bacha kar daman-e-iman rawan ho jaanib-e-manzil

ye bazar-e-jahan to hashr ka saman rakhta hai

ghaTaon ne muqayyad kar liya suraj ki kirnon ko

ya ye suraj rida-e-maslahat KHud tan rakhta hai

jabin-e-shauq pe mard-e-qalandar ki shikan kyon ho

use kya gham ki jis ko dost KHud rahman rakhta hai

masafat chand milon ki thaka deti hai jismon ko

mile manzil use jo hausla har aan rakhta hai

wahi jis ka ki nashtar bhi yahan bas misl-e-KHanjar hai

use shikwa hai kyon nashtar agar iran rakhta hai