kitab kaun si hai aur kis zaban mein hai

kitāb kaun sī hai aur kis zabān meñ hai

sunā hai zikr hamārā bhī dāstān meñ hai

usī ne dhuup meñ chalne kī jiit lī baazī

vo ek shaḳhs jo muddat se sā.ebān meñ hai

zamīñ ko jo bhī ugānā hai vo ugā.egī

mujhe pata hai mirā rizq āsmān meñ hai

vo lauT aa.e to apnī bhī kuchh ḳhabar dūñgā

mire lahū kā parinda abhī uḌaan meñ hai

use bhī chhoḌ ki ab hausla nahīñ baaqī

vo ek tiir jo ab tak tirī kamān meñ hai

yahīñ kahīñ na kahīñ hai 'shamīm'-fārūqī

agar yaqīñ meñ nahīñ hai to phir gumān meñ hai

kitab kaun si hai aur kis zaban mein hai

suna hai zikr hamara bhi dastan mein hai

usi ne dhup mein chalne ki jit li bazi

wo ek shaKHs jo muddat se saeban mein hai

zamin ko jo bhi ugana hai wo ugaegi

mujhe pata hai mera rizq aasman mein hai

wo lauT aae to apni bhi kuchh KHabar dunga

mere lahu ka parinda abhi uDan mein hai

use bhi chhoD ki ab hausla nahin baqi

wo ek tir jo ab tak teri kaman mein hai

yahin kahin na kahin hai 'shamim'-faruqi

agar yaqin mein nahin hai to phir guman mein hai