kitna ajib-tar hai ye rabt-e-zindagani

kitnā ajīb-tar hai ye rabt-e-zindagānī

hastī tamām shola aalam tamām paanī

jalve yahī raheñge nazreñ yahī raheñgī

baaqī hai aur rahegā ye irtibāt-e-fānī

hai ik zabān-e-ulfat har paikar-e-mohabbat

aañsū bhī tarjumānī gesū bhī tarjumānī

ik lamha-e-tabassum vo lamha-e-nazar hai

jis par koī luTā de ik umr-e-jāvedānī

phūloñ ko taulnā hai kāñToñ se khelnā hai

dil kī nazākatoñ meñ un kī mizāj-dānī

ġham zindagī hai lekin shā.er 'nushūr' terā

naġhmoñ se kheltā hai jab tak hai zindagānī

kitna ajib-tar hai ye rabt-e-zindagani

hasti tamam shola aalam tamam pani

jalwe yahi rahenge nazren yahi rahengi

baqi hai aur rahega ye irtibaat-e-fani

hai ek zaban-e-ulfat har paikar-e-mohabbat

aansu bhi tarjumani gesu bhi tarjumani

ek lamha-e-tabassum wo lamha-e-nazar hai

jis par koi luTa de ek umr-e-jawedani

phulon ko taulna hai kanTon se khelna hai

dil ki nazakaton mein un ki mizaj-dani

gham zindagi hai lekin shaer 'nushur' tera

naghmon se khelta hai jab tak hai zindagani