kitna bekar tamanna ka safar hota hai
kitnā bekār tamannā kā safar hotā hai
kal kī ummīd pe har aaj basar hotā hai
yuuñ maiñ sahmā huā ghabrāyā huā rahtā huuñ
jaise har vaqt kisī baat kā Dar hotā hai
din guzartā hai to lagtā hai baḌā kaam huā
raat kaTtī hai to ik ma.arka sar hotā hai
log kahte haiñ muqaddar kā navishta jis ko
ham nahīñ mānte har chand magar hotā hai
'saif' is daur meñ itnā bhī ġhanīmat samjho
qaid meñ rauzan-e-dīvār bhī dar hotā hai
kitna bekar tamanna ka safar hota hai
kal ki ummid pe har aaj basar hota hai
yun main sahma hua ghabraya hua rahta hun
jaise har waqt kisi baat ka Dar hota hai
din guzarta hai to lagta hai baDa kaam hua
raat kaTti hai to ek marka sar hota hai
log kahte hain muqaddar ka nawishta jis ko
hum nahin mante har chand magar hota hai
'saif' is daur mein itna bhi ghanimat samjho
qaid mein rauzan-e-diwar bhi dar hota hai
- Book : Kaf-e-gulfarosh (Pg. 55)
- Author : Saifuddin Saif
- Publication : Alhamd Publications (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
