kitna dilkash fareb-e-hasti hai
kitnā dilkash fareb-e-hastī hai
zindagī maut ko tarastī hai
ye nasheb-o-farāz hastī hai
har bulandī ko ek pastī hai
dekh kar kyā karoge dil kī taraf
ek ujḌī huī sī bastī hai
maut aa kar jise uThā.egī
zindagī vo hijāb-e-hastī hai
jaan de kar mile jo us kī razā
phir bhī mahñgī nahīñ hai sastī hai
ruḳh ghaTā kā hai sū-e-mai-ḳhāna
dekhiye ab kahāñ barastī hai
us ke naġhmoñ se mast hai duniyā
kitnā pur-kaif sāz-e-hastī hai
hai ye saudā yaqīn kā 'shankar'
but-parastī bhī haq-parastī hai
kitna dilkash fareb-e-hasti hai
zindagi maut ko tarasti hai
ye nasheb-o-faraaz hasti hai
har bulandi ko ek pasti hai
dekh kar kya karoge dil ki taraf
ek ujDi hui si basti hai
maut aa kar jise uThaegi
zindagi wo hijab-e-hasti hai
jaan de kar mile jo us ki raza
phir bhi mahngi nahin hai sasti hai
ruKH ghaTa ka hai su-e-mai-KHana
dekhiye ab kahan barasti hai
us ke naghmon se mast hai duniya
kitna pur-kaif saz-e-hasti hai
hai ye sauda yaqin ka 'shankar'
but-parasti bhi haq-parasti hai
- Book : Dair-o-Haram (Pg. 279)
- Author : Shankar Lal Shankar
- Publication : Sahir Hoshiyaar puri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
