kitne barse nagar nagar patthar

kitne barse nagar nagar patthar

hausle kar na paa.e sar patthar

jo nishāñ-zad hue haiñ apne liye

vo to sab ā.eñge idhar patthar

baat kah dī thī ik ḳhudā-lagtī

merī samt aa.e kis qadar patthar

dekh mahñgī paḌegī man-mānī

bāñdhne hoñge peT par patthar

kis ne kīchaḌ meñ sañg maarā hai

paḌ ga.e kis kī fahm par patthar

soch ke kar kisī pe sañg-zanī

aa bhī sakte haiñ lauT kar patthar

sab pe hasrat kī ik nazar karke

ho ga.ī ek chashm-e-tar patthar

adl un kā 'na.īm' kyā kahnā

phuul apnī taraf idhar pathar

kitne barse nagar nagar patthar

hausle kar na pae sar patthar

jo nishan-zad hue hain apne liye

wo to sab aaenge idhar patthar

baat kah di thi ek KHuda-lagti

meri samt aae kis qadar patthar

dekh mahngi paDegi man-mani

bandhne honge peT par patthar

kis ne kichaD mein sang mara hai

paD gae kis ki fahm par patthar

soch ke kar kisi pe sang-zani

aa bhi sakte hain lauT kar patthar

sab pe hasrat ki ek nazar karke

ho gai ek chashm-e-tar patthar

adl un ka 'naim' kya kahna

phul apni taraf idhar pathar