kitne hi fasane yaad aae kitne hi sahaare yaad aae

kitne hī fasāne yaad aa.e kitne hī sahāre yaad aa.e

tūfān ne bāñheñ phailā diiñ jis vaqt kināre yaad aa.e

dīvār se lag kar sochoñ kī ummīd kā saarā din guzrā

jab raat huī to ham ko bhī sab ḳhvāb hamāre yaad aa.e

paimān-e-vafā ke siine se phir aaj lahū Tapkā 'jāmī'

jo raah meñ thak kar baiTh ga.e ahbāb vo saare yaad aa.e

kitne hi fasane yaad aae kitne hi sahaare yaad aae

tufan ne banhen phaila din jis waqt kinare yaad aae

diwar se lag kar sochon ki ummid ka sara din guzra

jab raat hui to hum ko bhi sab KHwab hamare yaad aae

paiman-e-wafa ke sine se phir aaj lahu Tapka 'jami'

jo rah mein thak kar baiTh gae ahbab wo sare yaad aae