kitne hue hain KHun yahan ek usul ke

kitne hue haiñ ḳhuun yahāñ ik usuul ke

ā.eñge ab na shahr-e-tamannā meñ bhuul ke

saarī musāfirat kī thakan duur ho ga.ī

pesh aa.e kitne pyaar se kāñTe babūl ke

chehre hue jo gard to ā.īna ban ga.e

kyā turfa mo.ajizāt the sahrā kī dhuul ke

kitnā hasīñ thā jurm-e-ġham-e-dil ki do-jahāñ

dar pe haiñ aaj tak mire rañg-e-qubūl ke

nāzāñ hai zindagī mirī ab un kī maut par

jo log rah ga.e tirī bāhoñ meñ jhuul ke

aane ko thī bas āḳhirī hichkī marīz ko

qurbān jā.iye tirī shān-e-nuzūl ke

ai 'dil' ye haal ishq meñ hogā ḳhabar na thī

pachhtā.e ham to rog lagā kar fuzūl ke

kitne hue hain KHun yahan ek usul ke

aaenge ab na shahr-e-tamanna mein bhul ke

sari musafirat ki thakan dur ho gai

pesh aae kitne pyar se kanTe babul ke

chehre hue jo gard to aaina ban gae

kya turfa moajizat the sahra ki dhul ke

kitna hasin tha jurm-e-gham-e-dil ki do-jahan

dar pe hain aaj tak mere rang-e-qubul ke

nazan hai zindagi meri ab un ki maut par

jo log rah gae teri bahon mein jhul ke

aane ko thi bas aaKHiri hichki mariz ko

qurban jaiye teri shan-e-nuzul ke

ai 'dil' ye haal ishq mein hoga KHabar na thi

pachhtae hum to rog laga kar fuzul ke