kitni bar bataun tujhko kaisa lagta hai

kitnī baar batā.ūñ tujh ko kaisā lagtā hai

tujh se milnā bāteñ karnā achchhā lagtā hai

nthunī se uupar palkoñ se nīche ghūñghaT rakh

mujh ko aadhā chāñd bahut hī pyārā lagtā hai

sadiyoñ se hai yuuñ hī tar-o-tāza aur ḳhushbū-dār

kaise kah duuñ ishq gulāboñ jaisā lagtā hai

aañsū kā qatra khārā hī hotā hai lekin

tujh ko dekh kar chhalke hai to mīThā lagtā hai

kahāñ tirā apnā-pan aur kahāñ mere ehsān

parbat ho kar bhī merā qad baunā lagtā hai

ab bhī dil vāloñ kī bazmeñ sajtī haiñ lekin

pahle mele lagte the ab majma.a lagtā hai

kitni bar bataun tujh ko kaisa lagta hai

tujh se milna baaten karna achchha lagta hai

nthuni se upar palkon se niche ghunghaT rakh

mujh ko aadha chand bahut hi pyara lagta hai

sadiyon se hai yun hi tar-o-taza aur KHushbu-dar

kaise kah dun ishq gulabon jaisa lagta hai

aansu ka qatra khaara hi hota hai lekin

tujh ko dekh kar chhalke hai to miTha lagta hai

kahan tera apna-pan aur kahan mere ehsan

parbat ho kar bhi mera qad bauna lagta hai

ab bhi dil walon ki bazmen sajti hain lekin

pahle mele lagte the ab majma lagta hai