kitni be-kaif zindagi hogi

kitnī be-kaif zindagī hogī

ġham na hogā to kyā ḳhushī hogī

jab kabhī dard meñ kamī hogī

chashm-e-ehsās shabnamī hogī

maiñ na kahtā thā jazba-e-betāb

dostī terī dushmanī hogī

jhilmilā.ī kisī kī sham-e-ḳhayāl

ab añdhere meñ raushnī hogī

'ishq se husn kā baḌhegā vaqār

maut buniyād-e-zindagī hogī

kasrat-e-ġham kā kyā karūñ shikva

ye to tauhīn-e-zindagī hogī

āstāñ baḌh rahā hai sū-e-jabīñ

aaj merāj-e-bandagī hogī

jab 'hasan' rahm aa.egā un ko

dil kī duniyā badal chukī hogī

kitni be-kaif zindagi hogi

gham na hoga to kya KHushi hogi

jab kabhi dard mein kami hogi

chashm-e-ehsas shabnami hogi

main na kahta tha jazba-e-betab

dosti teri dushmani hogi

jhilmilai kisi ki sham-e-KHayal

ab andhere mein raushni hogi

'ishq se husn ka baDhega waqar

maut buniyaad-e-zindagi hogi

kasrat-e-gham ka kya karun shikwa

ye to tauhin-e-zindagi hogi

aastan baDh raha hai su-e-jabin

aaj meraj-e-bandagi hogi

jab 'hasan' rahm aaega un ko

dil ki duniya badal chuki hogi