کتنی بے کیف زندگی ہوگی
کتنی بے کیف زندگی ہوگی
غم نہ ہوگا تو کیا خوشی ہوگی
جب کبھی درد میں کمی ہوگی
چشم احساس شبنمی ہوگی
میں نہ کہتا تھا جذبۂ بے تاب
دوستی تیری دشمنی ہوگی
جھلملائی کسی کی شمع خیال
اب اندھیرے میں روشنی ہوگی
عشق سے حسن کا بڑھے گا وقار
موت بنیاد زندگی ہوگی
کثرت غم کا کیا کروں شکوہ
یہ تو توہین زندگی ہوگی
آستاں بڑھ رہا ہے سوئے جبیں
آج معراج بندگی ہوگی
جب حسنؔ رحم آئے گا ان کو
دل کی دنیا بدل چکی ہوگی
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
