kiwaD band bhi hai aur nim-wa bhi hai

kivāḌ band bhī hai aur nīm-vā bhī hai

vo ruup anuup zarā ḳhush zarā ḳhafā bhī hai

sharīk-e-rāh-e-vafā gul-sarisht māh-ba-kaf

qatīl-e-gardish-e-daurāñ barahna-pā bhī hai

haqīqatoñ se fasānoñ ko kyā ilāqa hai

ḳhudā nahīñ bhī hai logo magar ḳhudā bhī hai

hujūm-e-naġhma-o-nik.hat meñ yuuñ to hotā hai

ḳhatā muaaf ḳhatā to nahīñ ḳhatā bhī hai

vahī ġhazal kī rivāyāt-e-kāfirī haiñ abhī

vahī hijāb vahī shoḳhī-e-adā bhī hai

ufuq ufuq abhī insāñ kī manzileñ haiñ 'vaqār'

usī zamīñ pe magar rāh-e-irtiqā bhī hai

kiwaD band bhi hai aur nim-wa bhi hai

wo rup anup zara KHush zara KHafa bhi hai

sharik-e-rah-e-wafa gul-sarisht mah-ba-kaf

qatil-e-gardish-e-dauran barahna-pa bhi hai

haqiqaton se fasanon ko kya ilaqa hai

KHuda nahin bhi hai logo magar KHuda bhi hai

hujum-e-naghma-o-nikhat mein yun to hota hai

KHata muaf KHata to nahin KHata bhi hai

wahi ghazal ki riwayat-e-kafiri hain abhi

wahi hijab wahi shoKHi-e-ada bhi hai

ufuq ufuq abhi insan ki manzilen hain 'waqar'

usi zamin pe magar rah-e-irtiqa bhi hai