kiye ja rahe hain mohabbat se hum to kinara

kiye jā rahe haiñ mohabbat se ham to kinārā

yaqīñ uTh gayā hai ab in rishtoñ se jo hamārā

hameñ is qadar toḌ Daalā hai bhītar se is ne

bharosa nahīñ kar sakeñge kisī kā dubāra

hameñ aur to kuchh nahīñ chāhiye thā ḳhudā se

du'āoñ meñ māñgā thā bas saath ham ne tumhārā

kabhī vo pukāre hameñ aur ham dauḌe jaa.eñ

magar dost ham ko milā hī nahīñ vo ishāra

hamāre qarīb aa ke har koī ye sochtā hai

huā bhī koī fā.eda yā huā bas ḳhasārā

ye ḳhushiyāñ to bas ik dikhāvā hī haiñ zindagī kā

haqīqat meñ to in ġhamoñ ne hameñ hai sañvārā

kiye ja rahe hain mohabbat se hum to kinara

yaqin uTh gaya hai ab in rishton se jo hamara

hamein is qadar toD Dala hai bhitar se is ne

bharosa nahin kar sakenge kisi ka dubara

hamein aur to kuchh nahin chahiye tha KHuda se

du'aon mein manga tha bas sath hum ne tumhaara

kabhi wo pukare hamein aur hum dauDe jaen

magar dost hum ko mila hi nahin wo ishaara

hamare qarib aa ke har koi ye sochta hai

hua bhi koi faeda ya hua bas KHasara

ye KHushiyan to bas ek dikhawa hi hain zindagi ka

haqiqat mein to in ghamon ne hamein hai sanwara