kiye sajde hue kafir na kuchh dil mein zara samjhe

kiye sajde hue kāfir na kuchh dil meñ zarā samjhe

hameñ banda banāyā ai buto tum se ḳhudā samjhe

kalām-e-nā-sazā bhī jo huā sarzad sazā samjhe

vo gautam ne kahā bejā magar ham sab bajā samjhe

na dushman dost huuñ maiñ aur na begāna yagāna huuñ

jo vo samjhe to kyā samjhe to ye samjhe to kyā samjhe

kahā maiñ ne uThā do haath tum bhī merī mushkil par

to bole ham se istid.ā duā kī mudda.ā samjhe

habāb-āsā koī lahza sabāt-e-umr-e-fānī hai

jo aaqil ho vafā-e-zindagānī be-vafā samjhe

kiye sajde hue kafir na kuchh dil mein zara samjhe

hamein banda banaya ai buto tum se KHuda samjhe

kalam-e-na-saza bhi jo hua sarzad saza samjhe

wo gautam ne kaha beja magar hum sab baja samjhe

na dushman dost hun main aur na begana yagana hun

jo wo samjhe to kya samjhe to ye samjhe to kya samjhe

kaha main ne uTha do hath tum bhi meri mushkil par

to bole hum se istida dua ki muddaa samjhe

habab-asa koi lahza sabaat-e-umr-e-fani hai

jo aaqil ho wafa-e-zindagani be-wafa samjhe