koh-e-gham itna garan itna garan hai ab ke

koh-e-ġham itnā garāñ itnā garāñ hai ab ke

hai kahāñ tīsha-garāñ āh-e-garāñ hai ab ke

mai-kashoñ itnā na pī jaao ki ġham Duub jaa.e

phir na phaT jaa.e ye ātish jo fashāñ hai ab ke

tañg-dāmān ye duniyā-e-sitam zor-e-alam

baḌhtā jaa.e hai ravāñ aur davāñ hai ab ke

chashma-e-nāb na baḌh kar junūñ sailāb bane

bah na jaa.e ki ye miTTī kā makāñ hai ab ke

har taraf phailte baḌhte hue ye ziist ke haath

bahr-e-zulmāt meñ ek kūza-e-jāñ hai ab ke

koh-e-gham itna garan itna garan hai ab ke

hai kahan tisha-garan aah-e-garan hai ab ke

mai-kashon itna na pi jao ki gham Dub jae

phir na phaT jae ye aatish jo fashan hai ab ke

tang-daman ye duniya-e-sitam zor-e-alam

baDhta jae hai rawan aur dawan hai ab ke

chashma-e-nab na baDh kar junun sailab bane

bah na jae ki ye miTTi ka makan hai ab ke

har taraf phailte baDhte hue ye zist ke hath

bahr-e-zulmat mein ek kuza-e-jaan hai ab ke