koi aahaT na koi Dagar samne

koī aahaT na koī Dagar sāmne

ek aks-e-safar sar-basar sāmne

āsmāñ par lahū gul bikhartā huā

aur ubhartā huā merā sar sāmne

vo akelā hazāroñ se laḌtā rahā

jang hotī rahī raat bhar sāmne

nannhī-munnī duāoñ kā hāsil hai kyā

luT gayā saarā raḳht-e-safar sāmne

TuuT kar saare manzar bikharne lage

be-tahāshā aḌe bām-o-dar sāmne

kashtiyāñ TuuT kar sab kināre lagīñ

kaise aaseb kā hai safar sāmne

koī autār to is zamīñ par mile

aa.e koī to paiġhāmbar sāmne

fāsla mere qadmoñ meñ manzil kā thā

varna rahtā kahāñ ye safar sāmne

TukḌe TukḌe badan raqs kartā huā

ik zarā sā udhar baam par sāmne

ik jhalak sabz miTTī kī āñkhoñ meñ bas

sho.ala sho.ala shafaq lamha bhar sāmne

sar pe būḌhā gagan kab se rakkhā huā

raqs-e-shams-o-qamar aañkh bhar sāmne

koī mujh meñ mujhe qaid kartā huā

pheñk kar kitne la.al-o-guhar sāmne

kyā karūñ merā man thā ḳhalāoñ meñ gum

vo dikhātā rahā sab hunar sāmne

siina siina safar ye tilism-e-hunar

dekh 'ajmal' hai raftār bhar sāmne

koi aahaT na koi Dagar samne

ek aks-e-safar sar-basar samne

aasman par lahu gul bikharta hua

aur ubharta hua mera sar samne

wo akela hazaron se laDta raha

jang hoti rahi raat bhar samne

nannhi-munni duaon ka hasil hai kya

luT gaya sara raKHt-e-safar samne

TuT kar sare manzar bikharne lage

be-tahasha aDe baam-o-dar samne

kashtiyan TuT kar sab kinare lagin

kaise aaseb ka hai safar samne

koi autar to is zamin par mile

aae koi to paighambar samne

fasla mere qadmon mein manzil ka tha

warna rahta kahan ye safar samne

TukDe TukDe badan raqs karta hua

ek zara sa udhar baam par samne

ek jhalak sabz miTTi ki aankhon mein bas

shoala shoala shafaq lamha bhar samne

sar pe buDha gagan kab se rakkha hua

raqs-e-shams-o-qamar aankh bhar samne

koi mujh mein mujhe qaid karta hua

phenk kar kitne lal-o-guhar samne

kya karun mera man tha KHalaon mein gum

wo dikhata raha sab hunar samne

sina sina safar ye tilism-e-hunar

dekh 'ajmal' hai raftar bhar samne