koi aaj wajh-e-junun chahta hun

koī aaj vaj.h-e-junūñ chāhtā huuñ

tumheñ bhuul kar maiñ sukūñ chāhtā huuñ

zamāne kī hālat se vāqif huuñ phir bhī

na jaane ki maiñ tum ko kyuuñ chāhtā huuñ

tumhārī ḳhushī par tumheñ chhoḌ kar ab

tumhārī ḳhushī meñ sukūñ chāhtā huuñ

ḳhafā tum se ho kar ḳhafā tum ko kar ke

mazāq-e-hunar kuchh fuzūñ chāhtā huuñ

varā-e-mohabbat bhī ik zindagī hai

tumheñ phir bhī maiñ kyā kahūñ chāhtā huuñ

sitam kar ke lutf-e-karam pūchhte haiñ

ye tarz-e-karam ab fuzūñ chāhtā huuñ

badaltī nahīñ fitrat-e-dard 'anvar'

sukūñ bhī ye tarz-e-jūn.un chāhtā huuñ

koi aaj wajh-e-junun chahta hun

tumhein bhul kar main sukun chahta hun

zamane ki haalat se waqif hun phir bhi

na jaane ki main tum ko kyun chahta hun

tumhaari KHushi par tumhein chhoD kar ab

tumhaari KHushi mein sukun chahta hun

KHafa tum se ho kar KHafa tum ko kar ke

mazaq-e-hunar kuchh fuzun chahta hun

wara-e-mohabbat bhi ek zindagi hai

tumhein phir bhi main kya kahun chahta hun

sitam kar ke lutf-e-karam puchhte hain

ye tarz-e-karam ab fuzun chahta hun

badalti nahin fitrat-e-dard 'anwar'

sukun bhi ye tarz-e-junun chahta hun