کوئی ادا تو محبت میں پائی جاتی ہے

کوئی ادا تو محبت میں پائی جاتی ہے

کہ جس پہ جان کی بازی لگائی جاتی ہے

ستم میں ان کے کمی آج بھی نہیں کوئی

مگر ادا میں حمیت سی پائی جاتی ہے

جو سانس لینے سے بھی دل میں دکھتی رہتی ہے

وہ چوٹ اور بھی ضد سے دکھائی جاتی ہے

ستم کیا کہ کرم اس نے مجھ پہ کچھ بھی سہی

زباں پہ بات عزیزوں کی لائی جاتی ہے

اٹھا چکی ہے طبیعت جو بندگی کے مزے

کسی کے جور سے وہ باز آئی جاتی ہے

یہ پوچھتے جو جہاں آفریں کہیں ملتا

ترے جہان میں راحت بھی پائی جاتی ہے

تڑپ رہے ہو بتاؤ جگرؔ کہاں ہے چوٹ

کہیں طبیعت سے حالت چھپائی جاتی ہے