koi ahd-e-wafa bhula hua hun

koī ahd-e-vafā bhūlā huā huuñ

nahīñ kuchh yaad kyā bhūlā huā huuñ

ḳhabar-gīrī karūñgā kyā kisī kī

maiñ ḳhud apnā patā bhūlā huā huuñ

agar māñgoñ to shāyad pā sakūñ kuchh

magar harf-e-duā bhūlā huā huuñ

ḳhud apne shahr hī meñ huuñ musāfir

maiñ ghar kā rāsta bhūlā huā huuñ

mujhe hai yaad jo tujh se sunā thā

ḳhud apnā hī kahā bhūlā huā huuñ

huuñ zinda is liye furqat meñ ab tak

ki nashsha vasl kā bhūlā huā huuñ

duā.eñ māñgtā huuñ sab kī ḳhātir

ḳhud apnā mudda.ā bhūlā huā huuñ

ġham-e-duniyā ġham-e-daurāñ ġham-e-dil

sabhī tere sivā bhūlā huā huuñ

'nadīm' us ke binā jīvan ye merā

jazā hai yā sazā bhūlā huā huuñ

koi ahd-e-wafa bhula hua hun

nahin kuchh yaad kya bhula hua hun

KHabar-giri karunga kya kisi ki

main KHud apna pata bhula hua hun

agar mangon to shayad pa sakun kuchh

magar harf-e-dua bhula hua hun

KHud apne shahr hi mein hun musafir

main ghar ka rasta bhula hua hun

mujhe hai yaad jo tujh se suna tha

KHud apna hi kaha bhula hua hun

hun zinda is liye furqat mein ab tak

ki nashsha wasl ka bhula hua hun

duaen mangta hun sab ki KHatir

KHud apna muddaa bhula hua hun

gham-e-duniya gham-e-dauran gham-e-dil

sabhi tere siwa bhula hua hun

'nadim' us ke bina jiwan ye mera

jaza hai ya saza bhula hua hun