کوئی برہم ہو تو ہنس ہنس کر ملا کرتا ہوں میں

کوئی برہم ہو تو ہنس ہنس کر ملا کرتا ہوں میں

اہل دنیا کو محبت آشنا کرتا ہوں میں

چپکے چپکے سب حریفوں کی سنا کرتا ہوں میں

جرم یہ ہے ذکر تسلیم و رضا کرتا ہوں میں

کیا کروں ذکر خدا اس دور میں سنتا ہے کون

حال دنیا دیکھ کر یاد خدا کرتا ہوں میں

کیا قیامت ہے کہ اب وہ بھی ہیں مجھ سے بد گماں

عظمتوں کا جن کی چرچا جا بجا کرتا ہوں میں

پیشکش کیا کر سکوں کیا نذر دوں کیا بھینٹ دوں

چند آنسو ہیں جنہیں حرف دعا کرتا ہوں میں

رسم و راہ کعبہ و بت خانہ سے ہوں با خبر

مختلف انداز کے سجدے کیا کرتا ہوں میں