koi bhi qaid ai mauj-e-rawan baqi na rah jae

koī bhī qaid ai mauj-e-ravāñ baaqī na rah jaa.e

koī dariyā meñ sāhil kā nishāñ baaqī na rah jaa.e

tire bāb-e-karam par jis ko sajde se ta.ammul ho

sar aisā koī ai pīr-e-muġhāñ baaqī na rah jaa.e

hazar ai but-shikan pāmālī-e-husn-e-numāyāñ se

koī sūrat ba-andāz-e-nihāñ baaqī na rah jaa.e

rahā hai shor un kā bā.is-e-jang-o-jadal barsoñ

kahīñ ab zikr-e-nāqūs-o-azāñ baaqī na rah jaa.e

tujhe kuchh 'sharm' rakhnī hai ab is azm-e-musammam kī

safar thoḌā sā bhī ai kārvāñ baaqī na rah jaa.e

koi bhi qaid ai mauj-e-rawan baqi na rah jae

koi dariya mein sahil ka nishan baqi na rah jae

tere bab-e-karam par jis ko sajde se tammul ho

sar aisa koi ai pir-e-mughan baqi na rah jae

hazar ai but-shikan pamali-e-husn-e-numayan se

koi surat ba-andaz-e-nihan baqi na rah jae

raha hai shor un ka bais-e-jang-o-jadal barson

kahin ab zikr-e-naqus-o-azan baqi na rah jae

tujhe kuchh 'sharm' rakhni hai ab is azm-e-musammam ki

safar thoDa sa bhi ai karwan baqi na rah jae