کوئی چشم و نظر سے دور کیوں ہے

کوئی چشم و نظر سے دور کیوں ہے

محبت اس قدر مجبور کیوں ہے

یہ جلوؤں سے فضا مامور کیوں ہے

ہر اک ذرہ مثال طور کیوں ہے

اسے بھی بخش دو درد محبت

گزارش دل کی نامنظور کیوں ہے

دو عالم پر تھی قدرت اس کو حاصل

یہ دل اب اس قدر مجبور کیوں ہے

قریب آ کر ذرا مجھ کو بتاؤ

کہ منزل عاشقی کی دور کیوں ہے

بہت خود کو کیا ہے عام تو نے

ہر اک ذرے میں تیرا نور کیوں ہے

مرے دل کو تھی زخموں کی ضرورت

مرے پہلو میں یہ ناسور کیوں ہے

مرے دست کرم کا مانگنا دیکھ

ترا دست کرم مجبور کیوں ہے