koi dam thamta nahin baran-e-ashk

koī dam thamtā nahīñ bārān-e-ashk

al-amāñ az chashm-e-pur tūfān-e-ashk

kis lab-e-mai-gūñ kī ḳhvāhish hai mudām

josh-zan hai ye mai-e-joshān-e-ashk

shor nāloñ kā mire sun dam-ba-dam

sahmgīñ haiñ yak-qalam tiflān-e-ashk

kashtī-e-gardūñ yaqīñ hai Duub jaa.e

baḌh chalā hai bahr-e-be-pāyān-e-ashk

shauq meñ us silk-dandāñ kī mudām

haiñ nikalte ye durr-e-ġhaltān-e-ashk

jal ke hotā ḳhaak soz-e-dil se tan

gar na kartī aañkh ye sāmān-e-ashk

faiz se ḳhūn-e-dil-e-majrūh kī

rashk-e-gulshan ho gayā dāmān-e-ashk

dho gayā ḳhātir se jānāñ kī ġhubār

jaan par merī hai ye ehsān-e-ashk

huuñ maiñ giryāñ ishq-e-ḳhādim-shāh maiñ

is liye 'āsim' huuñ maiñ nāzān-e-ashk

koi dam thamta nahin baran-e-ashk

al-aman az chashm-e-pur tufan-e-ashk

kis lab-e-mai-gun ki KHwahish hai mudam

josh-zan hai ye mai-e-joshan-e-ashk

shor nalon ka mere sun dam-ba-dam

sahmgin hain yak-qalam tiflan-e-ashk

kashti-e-gardun yaqin hai Dub jae

baDh chala hai bahr-e-be-payan-e-ashk

shauq mein us silk-dandan ki mudam

hain nikalte ye durr-e-ghaltan-e-ashk

jal ke hota KHak soz-e-dil se tan

gar na karti aankh ye saman-e-ashk

faiz se KHun-e-dil-e-majruh ki

rashk-e-gulshan ho gaya daman-e-ashk

dho gaya KHatir se jaanan ki ghubar

jaan par meri hai ye ehsan-e-ashk

hun main giryan ishq-e-KHadim-shah main

is liye 'asim' hun main nazan-e-ashk