koi dariya bhi rawan hai mujh mein
koī dariyā bhī ravāñ hai mujh meñ
sirf sahrā hī kahāñ hai mujh meñ
kyā patā jaane kahāñ aag lagī
har taraf sirf dhuāñ hai mujh meñ
jashn hotā hai vahāñ raat Dhale
vo jo ik ḳhālī makāñ hai mujh meñ
ajnabī ho ga.iiñ galiyāñ merī
jaane ab kaun kahāñ hai mujh meñ
ek din thā jo kahīñ Duub gayā
ek shab hai ki javāñ hai mujh meñ
tum jise DhūñD rahe ho 'at.har'
ab vo insān kahāñ hai mujh meñ
koi dariya bhi rawan hai mujh mein
sirf sahra hi kahan hai mujh mein
kya pata jaane kahan aag lagi
har taraf sirf dhuan hai mujh mein
jashn hota hai wahan raat Dhale
wo jo ek KHali makan hai mujh mein
ajnabi ho gain galiyan meri
jaane ab kaun kahan hai mujh mein
ek din tha jo kahin Dub gaya
ek shab hai ki jawan hai mujh mein
tum jise DhunD rahe ho 'athar'
ab wo insan kahan hai mujh mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
