koi dariya hai na diwar khaDi hai lekin

koī dariyā hai na dīvār khaḌī hai lekin

biich meñ ek sadī aan paḌī hai lekin

aañkh sahrā kī tarah ḳhushk sahī andar se

saat sāvan se musalsal hī jhaḌī hai lekin

vo jo kahtā hai mujhe hijr nahīñ hai lāhaq

baat kuchh bhī ye nahīñ baat baḌī hai lekin

tiin dīvāroñ pe guzre hue mausam ke nishāñ

chauthī dīvār pe āvezāñ ghaḌī hai lekin

din ko sūraj ke muqābil nahīñ Thahrī sach hai

ye havā raat charāġhoñ se laḌī hai lekin

koī saaya koī ashjār nahīñ haiñ rah meñ

dhuup ke saath masāfat bhī kaḌī hai lekin

raat ke ghaav ne har dard sameTā ḳhud meñ

ik nishānī sar-e-aflāk juḌī hai lekin

zang ne aur kiyā zahr se ālūda use

guḌiyā ke siine pe suuī vo gaḌī hai lekin

koi dariya hai na diwar khaDi hai lekin

bich mein ek sadi aan paDi hai lekin

aankh sahra ki tarah KHushk sahi andar se

sat sawan se musalsal hi jhaDi hai lekin

wo jo kahta hai mujhe hijr nahin hai lahaq

baat kuchh bhi ye nahin baat baDi hai lekin

tin diwaron pe guzre hue mausam ke nishan

chauthi diwar pe aawezan ghaDi hai lekin

din ko suraj ke muqabil nahin Thahri sach hai

ye hawa raat charaghon se laDi hai lekin

koi saya koi ashjar nahin hain rah mein

dhup ke sath masafat bhi kaDi hai lekin

raat ke ghaw ne har dard sameTa KHud mein

ek nishani sar-e-aflak juDi hai lekin

zang ne aur kiya zahr se aaluda use

guDiya ke sine pe sui wo gaDi hai lekin