koi dhaDkan koi uljhan koi bandhan mange

koī dhaḌkan koī uljhan koī bandhan māñge

har-nafas apnī kahānī meñ nayā-pan māñge

dasht-e-afkār meñ ham se na.e mausam kā mizāj

bijliyāñ tinkoñ kī sho.aloñ kā nasheman māñge

rāt-bhar galiyoñ meñ yaḳh-basta havāoñ kī sadā

kisī khiḌkī kī sulagtī huī chilman māñge

zahr sannāTe kā kab tak piye sahrā-e-sukūt

ret kā zarra bhī āvāz kī dhaḌkan māñge

kaalī rātoñ ke jahannam meñ badan suukh gayā

dāman-e-sub.h kī ThanDak koī birhan māñge

habs vo hai ki nazāroñ kā bhī dam ghuTtā hai

koī soñdhī sī mahak ab mirā āñgan māñge

zindagī jin ke tasādum se hai zaḳhmī 'farhat'

dil unhīñ TuuTe hue sapnoñ kā darpan māñge

koi dhaDkan koi uljhan koi bandhan mange

har-nafas apni kahani mein naya-pan mange

dasht-e-afkar mein hum se nae mausam ka mizaj

bijliyan tinkon ki shoalon ka nasheman mange

raat-bhar galiyon mein yaKH-basta hawaon ki sada

kisi khiDki ki sulagti hui chilman mange

zahr sannaTe ka kab tak piye sahra-e-sukut

ret ka zarra bhi aawaz ki dhaDkan mange

kali raaton ke jahannam mein badan sukh gaya

daman-e-subh ki ThanDak koi birhan mange

habs wo hai ki nazaron ka bhi dam ghuTta hai

koi sondhi si mahak ab mera aangan mange

zindagi jin ke tasadum se hai zaKHmi 'farhat'

dil unhin TuTe hue sapnon ka darpan mange