koi ehsas-e-tamanna nahin rahne wala

koī ehsās-e-tamannā nahīñ rahne vaalā

ishq meñ koī kahīñ kā nahīñ rahne vaalā

is ko manzūr hai sahrāoñ meñ rahnā lekin

dil tire dil meñ dobāra nahīñ rahne vaalā

jo shajar chhoḌ ke jaatā hai parinda sun le

āsmāñ meñ bhī hamesha nahīñ rahne vaalā

mere maazī se mirī ab bhī bahut bantī hai

maiñ kisī haal meñ tanhā nahīñ rahne vaalā

shart ye hai ki rahe rūh-o-badan ek jagah

maiñ kisī rishte meñ varna nahīñ rahne vaalā

sochtā huuñ ki ab is jism meñ rahnā chhoḌūñ

sab ko shikva hai ki achchhā nahīñ rahne vaalā

lag hī jā.egī mujhe bhī kisī pyāse kī duā

maiñ hamesha hī to sahrā nahīñ rahne vaalā

itnī raftār se ghaTtā huuñ ki aane vaale

ek bhī shaḳhs kā hissa nahīñ rahne vaalā

ai mere dost ab is TuuTe hue rishte meñ

maiñ to rah jā.ūñ bharosa nahīñ rahne vaalā

koi ehsas-e-tamanna nahin rahne wala

ishq mein koi kahin ka nahin rahne wala

is ko manzur hai sahraon mein rahna lekin

dil tere dil mein dobara nahin rahne wala

jo shajar chhoD ke jata hai parinda sun le

aasman mein bhi hamesha nahin rahne wala

mere mazi se meri ab bhi bahut banti hai

main kisi haal mein tanha nahin rahne wala

shart ye hai ki rahe ruh-o-badan ek jagah

main kisi rishte mein warna nahin rahne wala

sochta hun ki ab is jism mein rahna chhoDun

sab ko shikwa hai ki achchha nahin rahne wala

lag hi jaegi mujhe bhi kisi pyase ki dua

main hamesha hi to sahra nahin rahne wala

itni raftar se ghaTta hun ki aane wale

ek bhi shaKHs ka hissa nahin rahne wala

ai mere dost ab is TuTe hue rishte mein

main to rah jaun bharosa nahin rahne wala