کوئی فتنہ کوئی فسوں بھی نہیں
زندگی ہے کہ پر سکوں بھی نہیں
گھر میں صحرا میں امتیاز تو کر
اب تو ہنگامۂ جنوں بھی نہیں
کل تلک تھا جو ساتھ ساتھ میرے
اب وہ اک لمحۂ سکوں بھی نہیں
ہوش جب دے رہا ہو درس وفا
کیا کروں میں جو چپ رہوں بھی نہیں
کیا ستم ہے کہ آج کل میں رساؔ
کچھ کہوں بھی نہیں سنوں بھی نہیں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
