کوئی غم مستقل نہیں جاتا

کوئی غم مستقل نہیں جاتا

زخم سینے سے سل نہیں جاتا

تب تلک مانگتی رہوں گی اسے

جب تلک مجھ کو مل نہیں جاتا

اب سنورنے کو آئنے کی طرف

میں تو جاتی ہوں دل نہیں جاتا

جس کو اک بار کھو دیا جائے

ہاتھ ملنے سے مل نہیں جاتا

لفظ ہوتے ہیں ناخنوں کی طرح

زخم خود سے تو چھل نہیں جاتا

اس سے مانگو کہ اس کے ہی در سے

کوئی بھی مضمحل نہیں جاتا

دل دکھاتے ہو ڈر نہیں لگتا

آہ سے عرش ہل نہیں جاتا

نازیہؔ دل کو اس طرف رکھنا

جس طرف مشتعل نہیں جاتا